Stay Signed In
Do you want to access your site more quickly on this computer? Check this box, and your username and password will be remembered for two weeks. Click logout to turn this off.
Stay Safe
Do not check this box if you are using a public computer. You don't want anyone seeing your personal info or messing with your site.
Nòmber: Noralisa Rosa
Fecha di nasementu: 05-09-87
Skol: Mariss Stella S.B.O
Estudio: Turismo
Mi nòmber ta Noralisa Rosa, i esaki ta mi testimonio;
Promé ku mi a aseptá Kristu den mi bida, mi bida tabata hopi bashí, so, tristu, sin outo estimá, ku gana di no biba mas pa tantu kosnan malu ku tabata pasa mi, pero tur esei a kambia dia mi a konosé Kristu pa medio di un amiga (Almideline Dominquez,mihó konosí komo Aline) tempu ku mi tabata bai Ancilla Domini.
Semper mi tabata alehá for di tur hende, i un dia e a tuma kurashi di papia ku mi, i asina mi a bin konos’é i semper e tabata konta mi di aktividatnan na su iglesia i su amigunan kristian di iglesia. Un dia mi amiga (Aline) a tuma e kurashi di konta mi di Kristu i el a bisa mi ku mi no ta so riba e mundu aki, i ku tin Un ku si stima mi i Su amor no tin fin, ku Kristu ke salba mi, pa mi ta ku n’e pa eternidat. I einan na e skol ei den mi lesuur liber mi a aseptá Kristu komo mi salbador.
Despues di esei Aline a invitá mi na su iglesia i mi a bin asistí na klup i sirbishinan anochi na Iglesia Evangélika Lus di Mundu.
Mi a sirbi na e iglesia Evangélika Lus di Mundu 5 pa 6 aña, den e aña nan ei mi a ministra den praise team, grupo di mímika (dansa)Adonai i grupo di drama.
I awor aki mi ta asistí na Iglesia Grasia Abundante (IGA), i mi ta ministrando den S.H.I.N.E, uzando mi talento di kanto i kompositor pa alab'E,glorifik'E i ador'E.
Mensahe:
Pa último,hóbennan no desviá for di e kaminda di Dios aunke kuantu lucha,tentashon òf prueba nan bin,kòrda ku esei nan ta pa hasi nos mas fuerte.
Aunke kuantu bia bo kai lanta para i Sigui’E. pa esnan ku no a aseptá Kristu ainda, no tin mihó eskoho ku esei.
Asept'E i laga e tuma kontròl den bo bida. Kristu so por salba i E so por kambia bo.
Na Dios tur honor i gloria!
Mi testimonio. Clarivel
Mi a lanta den un kas kristian i tabata bai iglesia for di beibi.
Mi bida p’ami tabata normal pero den bista di Dios mi kurason tabata sushi.
Tur anochi mi mama tabata konta ami ku mi 2 rumannan un historia for di beibel promé ku nos drumi.
Anto un anochi el a konta e historia di Hesus Su nasementu i morto riba e mundu aki.
Anto ma bin komprondé ku no ta normal mi ta bai shelu ni di mi mes forsa, ma mi mester kere ku Hesus a muri pa mi pikanan i si mi pidi E pordon E lo salba mi di tur mi pikanan i asina ei lo mi por tin bida eterno.
E anochi ei ma bin realisá esei i mi a aseptá Kristu komo mi salbador dor di hasi orashon i pidi Hesus pordon pa mi pikanan i ku mi ta arepentí i ma bisé bin biba den mi kurason.Dia ku mi a hasi esaki tabata nèt den temporada di Pasku di resurekshon i mi tabata na mi kas.
Mi ta kontentu di a tuma e desishon ei i ku awor mi por ministra na dje dor di e talento ku E a dunami.
I e oportunidat ku mi tin di por ta den SHINE.
