Stay Signed In
Do you want to access your site more quickly on this computer? Check this box, and your username and password will be remembered for two weeks. Click logout to turn this off.
Stay Safe
Do not check this box if you are using a public computer. You don't want anyone seeing your personal info or messing with your site.
E nòmber S.H.I.N.E su nifikashon ta Sigui Hesus I No Entregá , esaki ta saká for di Marko 8:34.
S.H.I.N.E. a wòrdu forma originalmente dor di Sr.Leroy Jansen ku a haña e inspirashon aki serka Sr.Kenneth Ansano. Ku kier a mira un agrupashon di hóbennan ministra den kampamentu i den barionan na unda Sr. Kenneth Ansano ta predika e evangelio na hóbennan, i e agrupashon di gospel (SHINE)lo animá.
S.H.I.N.E ta un grupo ku ta konsistí di 16 hóben entre 14 - 26 aña di edat, ku tin e mesun meta pa biba un bida dediká i entregá na Dios. Nos versíkulo lema ta Marko 8:34.
S.H.I.N.E. a ranka sali ofisial 6 di mei 2005, ku hóbennan ku no ke keda tras i usa nan talento ku Dios a bendishoná nan kuné pa adorá i alabá Señor.
Hóbennan ku pa medio di kanto i músika ke animá i kompartí E Bèrdat ku otronan.
Meta prinsipal di S.H.I.N.E ta pa forma lidernan di alabansa i adorashon i músikonan ku por guia den adorashon.
Tambe hóbennan ku por toka i kanta ritmonan ku ta agradá nos Señor. ( segun Eksodo 15:20, Salmo 68:25, 81:2, 100,149:3,150, 1 Samuel 10:5-6, 18:6, Isaias 30:32, Efesionan 5:19, Kolosensenan 3:16).
S.H.I.N.E ta konsistí di e hóbennan di diferente Iglesianan kristian ku a uni ku e úniko meta pa gana alma nan pa Señor dor di kanto i músika i tambe agradá nos Dios ku nan talentonan.
4 mart 2006 S.H.I.N.E. tabata tin su propio konsierto ku e agrupashon FUEGO ku tambe ta konsistí di hóbennan.
E konsierto ta pa laga pueblo sera konosí ku S.H.I.N.E. ofisialmente i tambe gradisí Señor pa nos promé CD “Sigui’E” ku ta zonando rònt antia, Aruba i Hulanda i ta bendishoná grandi i chikitunan.
Den futuro tin algun hóbennan ku lo tin di bandoná e seno di S.H.I.N.E. pa estudio i tambe nan ta muchu grandi, pero nan ta keda yuda i instruí e hóbennan nobo den S.H.I.N.E.
S.H.I.N.E tin un e-mail adrès ku tur hende por mail nos pa kualke pregunta informashon i konseho i tambe haña i shineinfo tur siman na s.h.i.n.e@hotmail.com i keda konektá ku nos.
Atentamente,
______________
Ricardo Martinus
Mènedjer di SHINE
